22 қыркүйек 2016 жылы Ақтөбе көлік, коммуникация және жаңа технологиялар колледжінде «Ақтөбе қаласының әйелдерді қолдау орталығы» қоғамдық бірлестігі «Ақтөбе облысының ішкі саясат басқармасы» мемлекеттік мекемесінің мемлекеттік әлеуметтік тапсырысы шеңберінде «Тұрмыстық зорлық-зомбылық құрбаны, адам саудасы бойынша дағдарыс орталығының ұйымдастыру жұмыстары» жобасы бойынша «Адам саудасынан сақтаныңыз» тақырыбына тренинг өткізді. Тренингтің мақсаты: жастарға адам саудасы туралы мағлұмат беру, Қазақстан Республикасында адам саудасы туралы нақты жағдайлар туралы, қанау түрлері және одан жәбірленушілердің алатын салдары, ізгілік пен қайырымдылық қағидаттарын қалыптастыру.
Тренингке колледждің 1 курс студенттері қатысты. Тренинг барысында топпен ми шабуылы, пікірталас, сұрақ-жауап өткізілді. Әр студент жалпы адам саудасы туралы өз түсініктерін ортаға салып, тренингтін белсенді өтуіне атсалысты.
Семинар соңында «Адам саудасынан сақтаныңыз» деген видео ролик көрсетіліп, «Біз – құлдықсыз өмір үшін!» буклеттері таратылып берілді. Тренинг өз мақсатын орындады, тыңдаушылар адам саудасы туралы толық мағлұмат алды.
