ҮЕҰ қолдау жөніндегі Азаматтық орталықта түрлі мәселелер бойынша кеңес беретін қоғамдық қабылдау жұмыс істейді.
Кеңесшілердің бірі — “Медет-АТК” ҚБ төрағасы Мандрыкин Александр Васильевич.
Ол ҮЕҰ қолдау жөніндегі Азаматтық орталықтың қоғамдық қабылдауында (Прохоров көшесі, 11-үй) келушілерге кеңес береді. Экология, жобалардың практикалық шешімін табу, стратегиялық жоспарлау, техникалық модельдеу және басқа да тақырыптар бойынша кеңес бере отырып, қолдау көрсетеді.
Айта кету керек, ҮЕҰ қолдау жөніндегі Азаматтық орталық жобасын Ақпарат және қоғамдық даму министрлігінің «Азаматтық бастамаларды қолдау Орталығы» КЕАҚ мемлекеттік гранты аясында «Ақтөбе облысының ҮЕҰ Қауымдастығы» ЗТБ жүзеге асырып келеді.