Қазақ хандығының 550 жылдығы, Ұлы Отан соғысы Жеңісінің 70 жылдығына орай грек – рим күресінен 1999-2001 жылы туылған жасөспірімдер арасында Ауған соғысы ардагерлерінің «Ер Бақыт» спорттық-патриоттық клубының жүлдесі үшін дәстүрлі Х Республикалық турнирі өткен болатын. Жарыс 20-22 сәуір аралығында Қ. Жұбанов атындағы Ақтөбе өңірлік мемлекеттік университетінің спорт кешенінде өтті.
Ауған соғысы ардагерлерінің «Ер Бақыт» спорттық-патриоттық клубының президенті Марат Қойлыбаевтың айтуынша бұл турнир Ақтөбе облысында 10 мәрте өз жалғасын тауып отыр. Мұндағы мақсат спортпен шұғылдану балалардың бойында көпшілдік, адалдық, еңбексүйгіштік, тәртіптілік, қайсарлық, табандылық тәрізді мінез-құлықтарды қалыптастырады. Турнирге шет мемлекеттерден Өзбекстан, Қырғызстан, Ресей елдерінен жас спортшылар қатынасты. Жарыс соңы жеңімпаздар мен жүлдегерлерді марапаттаумен аяқталды.
